澳門風景 – 大三巴牌坊

大三巴是澳門最有名的地標,正如去法國巴黎一定會遊鐵塔一樣,凡去澳門遊覽的遊客都必定會去大三巴拍照留念。 當然,澳門的名勝有很多,舊的如教堂、廟宇、舊大宅等都很值得一去,新的如各新建金碧輝煌的賭場,就算你不打算考驗幸運女神對你的忠誠度,也很推薦大家去各大賭場走走。

拍攝大三巴最大的難度在於該地點遊客極之多,情況像聖誕的尖沙咀海港城外一樣,你拍的都是人山人海場面,故我選擇日出時段,因為可以完全避開所有遊人,今次拍攝美中不足的地方是拍攝時正下著毛毛細雨,天空變得陰陰沉沉,magic moment不見了。

這對石像亦是眾遊客愛拍照留念的景點之一。

手信街的店舖還未營業,故還未有人。 在拍攝後的數小時內,這條通往大三巴的小巷便會漸漸變得極多遊人,兩邊賣手信的人叫喊試食,極之熱鬧。

這座澳門仁慈堂,現在除了是博物館外,亦是政府部門。

今次攝影時間只短短半天,故只好選擇拍攝最出名的地標了。 日後會再找機會補拍澳門其他遊覽勝地。

4 Comments 澳門風景 – 大三巴牌坊

  1. Kelvin

    William兄,今次我既問題係同是次文章無關,只係純粹個人好奇:P
    你既職業係攝影師定係其他職業?
    同埋依你個人既睇法,如果想從事有關攝影既行業,應該點樣入手好?

    Reply
    1. William LauWL

      其實我正職係同攝影無關的金融出版業,所以呢層你就問錯人了,HAHA
      如果你想加入攝影行業,咁就要問一問自己想喺邊個範疇了,因為攝影師都有分婚禮、商業、旅行、紀實等等,而每種專業亦可能細分幾個項目。 香港我諗入行門檻最低應該算係婚禮攝影師,基本上有部相機都可以。但當然,正正係因為入行門檻低,故行內攝影師變得良莠不齊,而價錢亦落差好大。 「正路」入行方法當然係當攝影師助手做起了。

      Reply
  2. Kelvin

    我成日都覺得係香港攝影行業好難入行..有咁既諗法都唔知從何入手..
    同埋幾時會有HDR教學既Part 4啊,好心急睇啊:P

    Reply
    1. William LauWL

      其實想入行我覺得最大阻力之一係你可唔可以頂得順於開頭學師時的底人工,呢行又好講人事關係。 所以作為一個以攝影為主要收入的攝影師,攝影技術只係其中一環咋,搵客能力甚麼緊要過攝影技術架。

      個HDR教學呢,我一早寫好個draft,但又一直唔知搵咩圖做example好~ 其實講講下同part I都差唔多相差成年時間了@_@

      Reply

留言

This site uses Akismet to reduce spam. Learn how your comment data is processed.